Reims

Collimos as bicicletas e miramos a catedral, pasamos por riba da entrada cuberta ao foro romano, fomos ata Porte Mars, baixamos polas Promenades ata o Cirque, e voltamos á autocaravana ao lado da Biblioteca Carnegie (parte do rico patrimonio art decó da cidade que tivo que ser reconstruida despois da 1a grande guerra).
O que non vimos foi Saint-Remi. Tocounos futebol e non puidemos cargar auga e electricidade porque parece ser que o poste de abastecemento estaba ao lado do estadio. Durmimos no aparcamento para autocaravanas á beira da autestrada na Comédie.

As canções que você fez pra mim "Les Rita Mitsouko - Alors c'est quoi?"

O memorial americano Aisne-Marne

Deixamos a Île de France a un lado despois de ollar desde a estrada o cárcere de Melun, no medio dunha illa do Sena, e fomos tirando cara ao Marne e a Champagne. "As chairas ondulantes do norte da Franza descorren desde a Canle da Mancha ata os outeiros boscosos das Ardenas. Ademais de polos sombríos recordos de batallas, a zona é coñecida polas máis belas catedrais góticas de Franza - e unha longa tradición na elaboración de cervexas de calidade-. Tamén se topan bos viños na Champaña e na Alsacia." No val do Marne comezamos a ver eses outeiros despois de tanta planicie, esas lombas empinadísimas cheas de viñas das que sae o champán e fixemos parada no primeiro memorial que nos cadrou no noso camiño.

As canções que você fez pra mim "Les Rita Mitsouko - Marcia Baila"

A fraga de Fontainebleau

Está máis que xustificado que as estradas que atravesan as inmensas fragas protexidas aparezan sinaladas coma rotas pintorescas nos mapas. O certo é que cruzar por medio de túneles vexetais de árbores autóctonas e ver a calzada enmarcada por faixas de relva, fai que experiencia sexa case mística, a pesares de estarmos aínda da era do motor e de olla-lo todo a través da xanela pechada. Nunca andiven dacabalo, pro facelo polas fragas francesas ten que ser de seguro moi beneficioso para a alma. Pena non ter máis tempo, porque si que o poderiamos facer en bici.
Pola contra, toparse por vez primeira no país con prostitución á beira da estrada, creaba un agudo contraste.

As canções que você fez pra mim "Les Rythmes Digitales - Jacques Your Body"

Os xardíns do palacio de Fontainebleau

Son tan cívico que si me din que non me meta coa bicicleta por medio dos tranquilos e inmensos xardíns en setembro eu obedezo sen dar chío. Grazas a que a grande Lisa non é tan mixericas, e que tiñan aberta unha porta onde non indicaban a prohibición, paseámonos polo "máis histórico de todos os grandes xardíns reais da Franza". Espantoso.

As canções que você fez pra mim "David Bowie - Heroes"

O palacio de Fontainebleau

Creo que só estivera por dentro nun palacio real no Palácio da Pena ata que nos decidimos a visitar o de Fontainebleau, que ficaba de camiño na nosa rota cara ao norte. Apañamos a audio-guía e fomos percorrendo todas as estáncias que te deixan visitar. Bailamos na Salle de Bal e detivémonos na Galerie François I, que de seguro estudiaramos hai case 20 anos e da que apenas recordaba nada. É curioso como as suntuosas estancias reais de diferentes estilos perderon a súa espectacularidade e a súa capacidade para abraiar despois dos excesos do capitalismo no século XX. Pero non deixa de resultar curioso que a chusma poida andar agora por onde andaban Marie Antoinette e Napoléon.

As canções que você fez pra mim "Vanessa Paradis - Joe le taxi"

Os tranvías de Orléans

Orléans que ten?:113.000 habitantes e 275.000 na aglomeración urbana? É dicir, a metade do que Vigo ou A Corunha, e ten este magnífico tranvía, ao que ademais lle puxeron unha color que combinara coa pedra dos edificios da cidade. O detalle que me resultou máis chamativo foi o feito de que na calzada dos coches houbera vallas que baixaban para cederlles o paso aos peóns cando saía do tranvía cara aos soportais. Coexistencia pacífica?

As canções que você fez pra mim "Gilbert Becaud - Et maintenant"

Orléans

Teño dificultades para recordar cal era cada unha das seis grandes catedrais goticas que miramos nesta viaxe en Francia. Vou ter que facer unha taboa comparativa. Todas parécense moito no seu aspecto exterior. Penso que o mellor é intentar recordar as prazas ou edificios que as rodeaban. A de Orléans precisamente foi destruida polos hugonotes no século XVI, e reconstruida despois en estilo supostamente gótico. Tiña unha gran praza peatonal diante da fachada principal, e a un dos lados estaba a oficina de turismo e polo outro unha moderna mediateca.
Noutra praza estaba a estatua ecuestre de Xoana de Arco, e polo centro da Rue Royale pasaban os tranvías, e polos lados os coches aos que lles baixaba unha barreira para que non se saltasen o semáforo cando a xente saída do tranvía cara aos soportais.

As canções que você fez pra mim "Koxie - Garçons"

Blois

Outro dos bos momentos da viaxe foi pasear en coche de cabalos polas rúas de Blois, iso si, papando frio, porque aínda non asimilaramos que xa estabamos bastante máis ao norte.

As canções que você fez pra mim "Pizzicato Five - Tout Va Bien"

Amboise

O bo de andar cunha casa con rodas e que podes escoller en cada momento que vista queres. Xantar coa vista de Amboise ao outro lado do rio non o consigues nin no restaurante máis caro da vila e non se come tan ben como na casa. Iso si, comiamos todas a porcalladas francesas enlatadas cantas había: desde volováns con recheo de non sei que, ata vieiras á bretona, queixos que nos atufaban toda a furgalla, os meus indispensables productos ecolóxicos, a crème brulée á que non había maneira de lle cristalizar o sucre, etc, etc

As canções que você fez pra mim "Henri Salvador - Le lion est mort ce soir"

Os xardíns do pazo de Villandry

O señor Joachim Carvallo disque nacera nas Hespañas, e pregúntome se o seu apelido sería indicativo de que parte das Hespañas marchara (correndo, supoño). Máis que nada porque lle deu tempo xunto coa súa parella Ann Coleman a mercar e restaurar un château e a crear un dos xardíns máis fermosos do mundo. Alí lle andivemos nós ás uvas e ás mazás, mentres desfrutabamos daquel espectaculo da civilización.

As canções que você fez pra mim "Claude François - Comme d'habitude"

Tours

A primeira cidade grande (uns 140.000 hab.) que vistabamos. Sorprendeunos ler que fora bombardeada na guerra franco prusiana e na segunda grande guerra. Tan lonxe da fronte e tan ao sur de París! Xa viramos cidades reconstruidas na Franza o ano pasado (Brest, Lorient), e nesta cansámonos de velas, para desesperación da miña amiga arqueóloga que o quería todo orixinal. Aínda así conserva un patrimonio arquitectónico moi rico, cos seus telladiños de lousa, e ten uns quais do máis animados ;)

As canções que você fez pra mim "les Rita Mitsouko - Les Amants"

Os xardíns do pazo de Chenonceau

Na viaxe cara ao Norte a visita ao val do Loira había de ser obrigada. O primeiro château que visitamos foi o de Chenonceau. Non quixemos velo por dentro para non nos saturar, e porque a vista desde o exterior e os xardíns era o realmente rechamante. Segundo Flaubert "flota no aire e na auga". Pasear tomando un xelado, descubrir a granxa do século XVI, a súa horta modelo, a súa fraga ateigada de crocus, fixo que, como non, ficaramos namorad*s do Castelo das Damas.
E nunca crín que había de visitar tantos xardíns históricos dos que aparecen no Garden Book coma nesta viaxe!

As canções que você fez pra mim "Etienne Daho - Bleu Comme Toi"

Angoulême

Cando planexamos a viaxe cara ás Holandas miramos nas guias pra ver que lugares se nos suxerían polo camiño (e que aínda non coñeciamos). Angoulême foi a primeira sorpresa. Pequena capital de provincia de 46.000 habitantes, semella unha cidade conxelada no século XIX, coas súas fermosas casas de caliza color manteiga. A guía di: "as murallas permiten un longo e estimulante paseo con vistas ao val do Charente", pero se vas á última hora do día, co sol a se poñer no horizonte e con todo a xente xa retirada ás súas casas ou ao terraceo que tanto lles gusta, a sensación é impoñente.

As canções que você fez pra mim "Les négresses vertes - Voilà l'été"

Biarritz

A primeira oportunidade de mercar nos supers franceses; bonitas vistas da vila desde o parque do faro. A un lado a accidentada costa basca e ao outro a monotonía das Landas.

As canções que você fez pra mim "Charles Trénet - La mer"

Cantabria

Saír por estrada cara ao resto de Europa desde Occidente ofrece poucas alternativas: básicamente ou tiras por Castela adíante ou colles polo Cantábrico. A novidade foi apañara a A67 e a verdade é que ofrece vistas de paisaxes moi fermosas da transición entre a Meseta e Cantabria.

As canções que você fez pra mim "Les Negresses Vertes - Face a la mer Massive Attack remix"

Montefurado

Foto de Percherón.
Estivera nas Médulas e pasara por riba da ponte sobre o Bibei, pero nunca me achegara ata o lugar que ven mencionado ata nas páxina de enxeñeiría romana da wikipedia.
A white trash deixara tirado unha chea de lixo nos arredores e a political white trash non a recollera. Entre elas un chinelo coas colores da bandeira española. E eu sen cámara!

As canções que você fez pra mim "Gonzaguinha e Maria Bethânia - Explode coração"

A minha nova nacionalidade

A seguir...

As canções que você fez pra mim "The Fall - I am kurious, oranj"

Happy-Go-Lucky

Viver e não ter a vergonha de ser feliz. Somos nós que fazemos a vida, como der ou puder ou quiser.

As canções que você fez pra mim "Gonzaguinha - O que é, o que é?"

A descuberta do ceo

Nederland, imos aló!

As canções que você fez pra mim "Marvin Gaye - I Heard It Through The Grapevine"

Dorival Caymmi, 1914-2008

.

As canções que você fez pra mim "Ney Matogrosso - O que é que a baiana tem?"