Al-Qaida non existe

"No pasado os políticos ofrecíannos o soño dun mundo mellor. Agora prométennos protección fronte os pesadelos.
O máis asustador deses pesadelos é a ameaza dunha rede terrorista internacional. Pero do mesmo xeito que os soños non foron realidade, tampouco o son estes pesadelos.
Nesta serie, O Poder dos Pesadelos, analísase como a idea de que estamos ameazados por unha rede terrorista organizada e oculta é unha ilusión.
É un mito que se espallou sen ser cuestionado pola política, os servizos de seguridade e os mass media internacionais.
No miolo da historia hai dous grupos: os neo-conservadores norteamericanos e os integristas islámicos. Os dous son grupos idealistas que naceron do fracaso do soño liberal de construir un mundo mellor. Estes dous grupos conseguiron mudar o mundo, pero non do xeito que eles querían... Xuntos crearon a imaxe actual dunha rede terrorista organizada propia dun pesadelo.
Unha fantasía que os políticos atoparon conveniente para restaurar o seu poder e a súa autoridade nunha era de cinismo. Aqueles que manexan os maiores medos, convírtense nos máis poderosos.
O nacemento destas políticas do medo sitúase no 1949 por obra de dous homes con ideas radicais que habían inspirar os ataques do 11 de Setembro e o movemento neo-conservador que domina Washington. Estes dous homes crían que as liberdades liberais estaban a erosionar os vencellos que mantiñan cohesionada a sociedade. Os movementos que inspiraron propuxéronse, de xeitos distintos, rescatar as súas sociedades desa decadencia.
Nunha época de grande desilusión coa política, os neo-conservaores recorreron ao medo coa intención de acadar os seus obxectivos. Imaxinaron unha rede oculta de poder maligno gobernada pola Unión Soviética que só eles podían ver.
Os integristas islámicos, pola súa parte, topáronse co rexeitamento das masas a seguiren os seus soños e recorreron ao terror para forzar á xente a "ver a luz".
O 25 de decembro de 1979 as forzas soviéticas invadiron Afganistan. Moscova consegui instalar un goberno amigo nun país limítrofe, pero tivo que pagar un prezo. A invasión proporciounou unha causa comun á extraordinaria alianza dos radicais islamistas (tanto en Afganistan coma no resto do mundo) cos neo-conservadores nos EUA.
Foi o campo de batalla clave da Guerra Fría. Washington proporcionou diñeiro e armas (incluidos misiles Stinger capaces de botar abaixo helicopteros soviéticos.) Pero eran os Muiaidins islámicos quen os disparaban. Entre os moitos estranxeiros que foron parar a Afganistan estaba un xove e rico cidadán saudita chamado Osama Bin Laden. Moito antes do 11 de Setembro, era visto polos neo-conservadores de Washington coma un dos seus soldados, axudando a loitar pola causa estadounidense.
Despois de case 10 anos de loita, as tropas soviéticas retiráronse de Afganistan. Os neo-conservadores e os integristas creron que foran eles os que acabaran co "imperio do mal" e que agora tiñan o poder para transformar o mundo. Pero ámbolosdous fracasaron nas súas revolucións.
En resposta, os neo-conservadores inventaron un novo enimigo ficticio, Bill Clinton, centrándose no escándalo Monica Lewinsky.
Entra mentres, os integristas meteronse nun ciclo desesperado de violencia e terror tratando de convencer á xente para que os seguira.
De aí sairon as sementes deste estraño mundo de fantasía, ilusión, violencia e medo no que vivimos hoxe.
A partir do shock e do pánico creado cos devastadores ataques sobre o World Trade Centre o 11 de Setembro do 2001, os neo-conservadores reconstruiron o radicalismo islamista á imaxe do seu último enimigo malvado, a Unión Soviética - outra sinistra rede de terror, esta vez dirixida por Osama Bin Laden e os seus desde Afganistan.

Hai individuos e grupos perigosos e fanáticos por todo o mundo que foron galvanizados polas ideas do islamismo extremista e que han usar técnicas terroristas - como deixaron claro os ataques nos EUA e en Madrid. Pero a idea delirante dunha única e poderosa organización oculta lista para golpear as nosas sociedades é unha ilusión.
Onde sexa que buscan esa organización, desde as montañas de Afganistan ata ás 'celulas durmintes' en Norteamérica, os británicos e os estadounidenses están a procurar un enimigo fantasmal.

A razón pola que ninguen cuestiona esta ilusión é que un enimigo de pesadelo dá a moitos grupos poder e influencia renovados nunha era de cinismo - non só aos políticos. Aqueles que teñen as imaxinacións máis negras son os que se convirten nos máis poderosos."

Let's face the music & dance "The Divine Comedy - The certainty of chance"